సంక్రాంతి

సంక్రాంతి ..!
కళ్ళాపి చప్పుళ్ళు ..రంగు ముగ్గులు ,
బోగి మంటలు ..గొబ్బి పాటలు ,
వాలు జడలు ..వార చూపులు ,
ముద్ద బంతులు ..వరి కంకులు ,
హరి దాసులు ..డూ డూ బసవన్నలు ..
పల్లెలోని సంక్రాంతి సందళ్ళు !

పట్నం బ్రతుకులో ..మిస్సయి ఎన్నాళ్లైందో ..
ఈ అందాలూ ..అనుభూతులు !!

పప్పు చెక్కలు ..పాకం అరిసెలు ,
జంతికలు ..కజ్జికాయలు ..తీపి గారెలు ,
చిరుతిళ్ళు కావవి ...సంక్రాంతి పండక్కి ,
కొడుకు ఇంటికి రాలేదని ..పట్నం బస్సు కి
మా అమ్మ పొట్లం కట్టిచ్చిన "ముద్దులు -మురిపాలు ".

వాటిని చూస్తే ..
నా నోట్లో నీళ్ళురుతాయి!
ఆ వెంటనే ..కళ్ళల్లో నీళ్ళు తిరుగుతాయి !!


నోట్ :ఊరినుండి అమ్మ,అత్తయ్యలు పంపిన జంతికలు ..
అరిసెలు చూశాక ..నా మనసు లోనుండి కురిసిన 'ముత్యపు చినుకు 'లివి !
ఈ పోటో మాత్రం నాది కాదండోయ్ .