శాటిస్ఫేక్షన్!

నా గొంతుకలో పొలమారినప్పుడల్లా...
నాలో చిన్న శాటిస్ఫేక్షన్!
నా కోసం ఎవరో ..
ఎక్కడో అలోచిస్తున్నారన్న 'పిచ్చిఅలోచన '!

నిజం తెలీక కాదు ..
సైన్సు ఎరుగక కాదు ...
ఈ అభాగ్య నగరం లో ఒంటరితనం తో అలమటించే
నా చిన్ని హృదయానికి
ఈ 'పిచ్చి ఆలోచనే' ఓ పెద్ద 'ఓదార్పు' మరి !

నిజం చెప్పొద్దూ ...
ఒక్కోసారి ..
మనల్ని మనం మోసం చేసుకోవడం లో కూడా..
"ఆనందం"ఉంటుంది సుమీ !

బస్టాపు

ఉదయాన్నే ..బస్టాపు -
'గండుతుమ్మెదల' 
పహారా చుట్టూ....
'సీతాకోకచిలుకలు'
వాలిన చెట్టు !



(కాలేజీ పిల్లల తో కళ కళ్ళాడుతున్న బస్టాపు ని చూశాక..)

ఫస్టు ఎయిడ్

బాపు గారి బొమ్మ ని ఎడిట్ చేసినందుకు ..పెద్ద మనసు తో క్షమించాలి .


ఆటలో గాయానికి
అమ్మ 'టీపొడి' కట్టు !

మా అమ్మ..
మా "ప్యామిలీ డాక్టర్ "!!

బొట్టు

.
బొట్టు ..

ఉదయాన్నే..
సూరీడు కంటే ముందే ..

మా అమ్మ నుదుటి మీద
ఎర్రగా ఉదయిస్తుంది !

సోకు

మా మందార చెట్టుకి
సోకెక్కువ!

తెల్లగా తెల్లారకముందే ..
తల నిండుగా పూలని
సింగారించుకుంటుంది!!